ការជ្រើសរើសឱសថអង់ទីប៊ីយោទិកបានត្រឹមត្រូវមានគោលបំណងកាត់បន្ថយការប្រើប្រាស់ឱសថអង់ទីប៊ីយោទិកមិនត្រឹមត្រូវ និងលើសកម្រិត។ ការប្រើប្រាស់ឱសថអង់ទីប៊ីយោទិកបានត្រឹមត្រូវអាចរក្សាប្រសិទ្ធភាពឱសថអង់ទីប៊ីយោទិកបានយូរអង្វែង កាត់បន្ថយការបង្ករោគដោយមេរោគស៊ាំនឹងឱសថអង់ទីប៊ីយោទិកនៅលើអ្នកជំងឺ និងជួយអ្នកជំងឺជៀសផុតពីផលរំខាន នៃការប្រើប្រាស់ឱសថអង់ទីប៊ីយោទិកមិនចាំបាច់។ មន្ទីរពេទ្យ និងស្ថាប័នដទៃ បានអនុវត្ដគោលការណែនាំក្នុងការធ្វើរោគវិនិច្ឆ័យជំងឺ ដើម្បីធានាបានការព្យាបាលត្រឹមត្រូវលើការបង្ករោគដោយវីរុស និងបាក់តេរី។
មិនមែនតែបុគ្គលិកសុខាភិបាលដែលជាអ្នកដើរតួនាទីក្នុងការជ្រើសរើសឱសថអង់ទីប៊ីយោទិកបានត្រឹមត្រូវនោះទេ សាធារណជនក៏មានតួនាទីយ៉ាងសំខាន់ផងដែរ។ អ្នកអាចជួយលើកកម្ពស់ការប្រើប្រាស់ឱសថអង់ទីប៊ីយោទិកបានត្រឹមត្រូវដូចខាងក្រោម៖[២]
- យល់ដឹងពីមូលហេតុ ឬមូលហេតុដែលអាចបង្កឱ្យអ្នកមានជំងឺ និងមិនស្នើសុំឱសថអង់ទីប៊ីយោទិក ប្រសិនបើមិនចាំបាច់
- មានការរស់នៅស្អាត និងអនាម័យ ហើយជៀសវាងការបរិភោគអាហារ និងពិសាទឹកមិនស្អាត
- ត្រូវប្រាកដថាអ្នក និងគ្រួសារអ្នកបានចាក់វ៉ាក់សាំងតាមការណែនាំ
- ធ្វើតាមការណែនាំរបស់វេជ្ជបណ្ឌិត និងប្រើឱសថអង់ទីប៊ីយោទិកតាមវេជ្ជបញ្ជា
- មិនត្រូវប្រើឱសថអង់ទីប៊ីយោទិកដែលនៅសល់ ឬក៏យកពីអ្នកដទៃ។
ពាក្យទាក់ទង៖ ការជ្រើសរើសឱសថប្រឆាំងមេរោគបានត្រឹមត្រូវ ការប្រើប្រាស់ឱសថអង់ទីប៊ីយោទិកលើសកម្រិត ការប្រើប្រាស់ឱសថអង់ទីប៊ីយោទិកមិនត្រឹមត្រូវ ការប្រើប្រាស់ឱសថអង់ទីប៊ីយោទិកដ៏ឆ្លាតវៃ ការប្រើប្រាស់ឱសថដែលសមស្រប ចំណេះដឹងអំពីឱសថអង់ទីប៊ីយោទិក
សេចក្ដីយោង
1 APIC. (n.d.). Antimicrobial stewardship. Retrieved from https://apic.org/professional-practice/practice-resources/antimicrobial-stewardship/
2 Mayo Clinic. (2018, January 18). Antibiotics: Are you misusing them? Retrieved from https://www.mayoclinic.org/healthy-lifestyle/consumer-health/in-depth/antibiotics/art-20045720