សាច់សត្វ ឬផលិតផលសាច់សត្វដែលបានដាក់ស្លាក ‘គ្មានសារធាតុឱសថអង់ទីប៊ីយោទិក’ គឺធម្មតាមិនមានផ្ទុក ឬយ៉ាងហោចណាស់រកមិនឃើញនូវសារធាតុឱសថអង់ទីប៊ីយោទិក ។ អតិថិជនអាចនឹងជឿខុសថា សាច់សត្វដែលបានបិទស្លាកគ្មានសារធាតុឱសថអង់ទីប៊ីយោទិក ត្រូវបានយកមកពីសត្វដែលចិញ្ចឹមដោយគ្មានផ្តល់ឱសថអង់ទីប៊ីយោទិក។

នៅប្រទេសអភិវឌ្ឍន៍ ការប្រើប្រាស់ឱសថអង់ទីប៊ីយោទិកទាំងអស់ក្នុងកសិដ្ឋានបានកំណត់យ៉ាងតឹងរ៉ឹង និងមានរយៈពេលកំណត់មិនឱ្យឱសថអង់ទីប៊ីយោទិក គឺត្រូវបានបង្កើតឡើងដើម្បីជៀសវាងពីការសេសសល់នៃសារធាតុឱសថអង់ទីប៊ីយោទិកនៅក្នុងផលិតផលសាច់ និងទឹកដោះ។ នៅសហរដ្ឋអាមេរិក ពាក្យ ‘គ្មានសារធាតុឱសថអង់ទីប៊ីយោទិក’ មិនត្រូវបានអនុញ្ញាតឱ្យដាក់ស្លាកលើផលិតផលសាច់ ឬបសុបក្សីទេ។[១] ទោះបីជាយ៉ាងណាក៏ដោយ ពាក្យ ‘គ្មានសារធាតុឱសថអង់ទីប៊ីយោទិក’ ត្រូវបានអនុញ្ញាត ឱ្យដាក់ស្លាកលើផលិតផលដែលធ្វើពីទឹកដោះគោដូចជា លើប្រអប់ទឹកដោះគោ ដែលត្រូវបានកំណត់ដោយរដ្ឋបាលចំណីអាហារ និងឱសថ (FDA)។ រដ្ឋបាលចំណីអាហារ និងឱសថមិនបានការកំណត់ទាក់ទងនឹងនិយមន័យនៃពាក្យ ‘គ្មានសារធាតុឱសថអង់ទីប៊ីយោទិក’ ទេ ប៉ុន្តែគេរំពឹងថា វាមានន័យថាគ្មានសំណល់ឱសថអង់ទីប៊ីយោទិកនៅក្នុងផលិត ផលនោះទេ។ នេះមានន័យថា រដ្ឋបាលចំណីអាហារ និងឱសថ (FDA) មិនបានបញ្ជាក់ពាក្យ ‘គ្មានសារធាតុឱសថអង់ទីប៊ីយោទិក’ ឬក៏គ្មានការបញ្ជាក់ពីភ្នាក់ងារដែរ។ លើសពីនេះទៅទៀត ពាក្យ ‘គ្មានសារធាតុឱសថអង់ទីប៊ីយោទិក’ មិនមានការធានាថា សត្វគោទាំងអស់នោះមិនត្រូវបានគេព្យាបាលដោយឱសថអង់ទីប៊ីយោទិក  ឬឱសថផ្សេងទៀតនោះទេ។ សូមកត់សំគាល់ថា មិនមានស្តង់ដាជាសកល ឬការកំណត់និយមន័យនៃពាក្យ ‘គ្មានសារធាតុឱសថអង់ទីប៊ីយោទិក’នោះទេ។

ការជ្រើសរើសផលិតផលសត្វដែលបានមកពីការចិញ្ចឹមដោយគ្មានផ្តល់ឱសថអង់ទីប៊ីយោទិកត្រូវបានគេលើកឡើង ជាជំហានដ៏សំខាន់មួយដែលអ្នកប្រើប្រាស់ អាចយកទៅជួយដោះស្រាយវិបត្ដិសុខភាពសាធារណៈនៃភាពស៊ាំនឹង  ឱសថអង់ទីប៊ីយោទិក ។ ការចិញ្ចឹមសត្វដោយមិនប្រើឱសថអង់ទីប៊ីយោទិក អាចធ្វើទៅបាន ប្រសិនបើការរក្សា អនាម័យធ្វើឱ្យប្រសើរឡើងហើយការអនុវត្តការគ្រប់គ្រងដើម្បីទប់ស្កាត់ជំងឺត្រូវបានអនុវត្ត។

សេចក្ដីយោង

1 Greener Choices. (2017, November 16). What does Antibiotic Free mean? Retrieved from http://greenerchoices.org/2017/11/16/antibiotic-free-mean/