ຊີ້ນສັດ ແລະ ຜະລິດຕະພັນຈາກຊີ້ນສັດທີ່ມີຂໍ້ຄວາມລະບຸວ່າ “ປາດສະຈາກຢາຕ້ານເຊື້ອລິນຊີ” ໂດຍທົ່ວໄປເເລ້ວມັນໝາຍຄວາມວ່າ “ບໍ່ມີ”, “ມີຢ່າງໜ້ອຍ” ຫລື “ບໍ່ສາມາດກວດພົບ”, ຫລື “ຢາຕ້ານເຊື້ອລິນຊີທີ່ຍັງຄ້າງ”. ຜູ້ບໍລິໂພກສ່ວນຫລາຍແລ້ວເຂົ້າໃຈຜິດວ່າຊີ້ນສັດເຫຼົ່ານີ້ມາຈາກສັດທີ່ຖືກລ້ຽງໂດຍບໍ່ໄດ້ໃຊ້ຢາຕ້ານເຊື້ອລິນຊີເລີຍ.

ໃນປະເທດທີ່ພັດທະນາແລ້ວ ການໃຊ້ຢາຕ້ານເຊື້ອໃນໂຮງລ້ຽງສັດແມ່ນມີຂໍ້ບັງຄັບຢ່າງເຄັ່ງຄັດ ແລະ ມີຊ່ວງເວລາໃນການຢຸດຢາຢ່າງເໝາະສົມ ເພື່ອບໍ່ໃຫ້ມີຢາຕ້ານເຊື້ອຈຸລິນຊີຕົກຄ້າງໃນຜະລິດຕະພັນຈາກຊີ້ນສັດ ແລະ ນົມ.

ປະເທດສະຫະລັດອາເມລິກາ ບໍ່ອະນຸຍາດໃຫ້ໃຊ້ຄຳວ່າ ປາດສະຈາກຢາຕ້ານເຊື້ອລິນຊີ ‘antibiotic free’ ລະບຸໃນຜະລິດຕະພັນທີ່ເປັນຊີ້ນ ສັດໃຫຍ່ ແລະ ສັດປີກ [1]. ຢ່າງໃດກໍ່ຕາມຄໍາວ່າ ປາດສະຈາກຢາຕ້ານເຊື້ອ ‘antibiotic free’ ນີ້ໄດ້ຮັບອານຸຍາດໃຫ້ລະບຸໃນຜະລິດຕະພັນ ທີ່ມາຈາກນົມ ເຊັ່ນຢູ່ເທິງກ່ອງນົມ, ຊຶ່ງມີການຄວບຄຸມໂດຍສຳນັກງານຄະນະກຳມະການອາຫານ ແລະ ຢາ (Food and Drug Administration). ອົງການອາຫານ ແລະ ຢາ ບໍ່ໄດ້ກໍານົດນິຍາມຂອງຄໍາວ່າ  “ປາສະຈາກຢາຕ້ານເຊື້ອລິນຊີ ‘antibiotic free’” ແຕ່ອາດຈະ ໝາຍຄວາມວ່າບໍ່ມີການປົນເປື້ອນຂອງຢາຕ້ານເຊື້ອລິນຊີໃນຜະລິດຕະພັນ.

ເຊິ່ງໝາຍຄວາມວ່າອົງການອາຫານ ແລະ ຢາ ບໍ່ໄດ້ກວດສອບຄຳອ້າງທີ່ວ່າ ປາສະຈາກຢາຕ້ານເຊື້ອລິນຊີ  ‘antibiotic free’ ຫຼື ໃຫ້ໜ່ວຍງານ ໃດໜຶ່ງເຂົ້າມາການກວດສອບຜະລິດຕະພັນເຫຼົ່ານັ້ນ. ນອກຈາກນີ້ຄໍາທີ່ອ້າງວ່າ ປາສະຈາກຢາຕ້ານເຊື້ອລິນຊີ  ‘antibiotic free’ ບໍ່ໄດ້ຮັບປະ ກັນວ່າສັດລ້ຽງບໍ່ໄດ້ຮັບຢາຕ້ານເຊື້ອລິນຊີ ຫຼືຢາອື່ນໆ. ຍັງບໍ່ມີຄຳນິຍາມ ຫລື ມາດຕະການທີ່ເປັນມາດຕະຖານສາກົນ ຂອງຄຳວ່າ ປາສະຈາກຢາຕ້ານ ເຊື້ອລິນຊີ ‘antibiotic free’

ການເລືອກຜະລິດຕະພັນຈາກສັດທີ່ລ້ຽງໂດຍບໍ່ໃຊ້ຢາຕ້ານເຊື້ອລິນຊີ ເປັນຂັ້ນຕອນທີ່ສຳຄັນທີ່ຜູ້ບໍລິໂພກສາມາດນຳມາໃຊ້ເພື່ອແກ້ບັນຫາວິກິດ ທາງສຸຂະພາບຂອງປະຊາຊົນໃນການຕ້ານຕໍ່ຢາຕ້ານເຊື້ອລິນຊີ. ການລ້ຽງສັດໂດຍບໍ່ໃຊ້ຢາຕ້ານເຊື້ອລິນຊີນັ້ນເປັນໄປໄດ້ ຖ້າຫາກມີການປັບປຸງ ດ້ານສຸຂະອະນາໄມ ແລະ ມີການບໍລິຫານຈັດການເພື່ອປ້ອງກັນການເປັນພະຍາດ.

References: 

1 Greener Choices (2017). “Antibiotic Free- What this claim means”. Greenerchoice.org. https://6abc.com/health/consumer-reports-foods-that-claim-no-antibiotics/2203039/