ເປົ້າໝາຍຂອງ  Antibiotic stewardship ແມ່ນ ເພື່ອຫຼຸດຜ່ອນການນໍາໃຊ້ຢາຕ້ານເຊື້ອຈຸລິນຊີທີ່ບໍ່ຖືກຕ້ອງ ແລະ ການນຳໃຊ້ຫຼາຍເກີນຄວາມຈຳເປັນ. ການນໍາໃຊ້ຢາຕ້ານເຊື້ອຈຸລິນຊີທີ່ຖືກຕ້ອງ ເຮັດໃຫ້ຢາຕ້ານເຊື້ອຈຸລິນຊີຍັງສາມາດໃຊ້ໄດ້ດົນ, ຫຼຸດຜ່ອນບັນຫາການຊຶມເຊື້ອຈາກເຊື້ອຕ້ານຕໍ່ຢາຕ້ານເຊື້ອຈຸລິນຊີ ແລະ ຫຼຸດຜ່ອນຜົນຂ້າງຄຽງຈາກຢາທີ່ບໍ່ຈຳເປັນ. ໃນບັນດາໂຮງໝໍ ແລະ ອົງການຕ່າງໆໄດ້ສ້າງຄູ່ມືການບົ່ງມະຕິພະຍາດເພື່ອຮັບປະກັນການປິ່ນປົວທີ່ເໝາະສົມສຳລັບພະຍາດ ທີ່ເກີດຈາກການຕິດເຊື້ອຈຸລະໂລກ ແລະ ເຊື້ອຈຸລິນຊີ

ເຖິງຢ່າງໃດກໍຕາມ ບໍ່ແມ່ນແຕ່ບຸກຄະລາກອນທາງການແພດເທົ່ານັ້ນທີ່ມີບົດບາດໃນການກໍາກັບດູເເລການນໍາໃຊ້ຢາຕ້ານເຊື້ອ ຈລິນຊີ ປະຊາຊົນ ທຸກຄົນກໍມີສ່ວນສຳຄັນໃນການປະຕິບັດເຊັ່ນກັນ. ທ່ານກໍ່ສາມາດຊ່ວຍສົ່ງເສີມການນຳໃຊ້ຢາຕ້ານເຊື້ອຈຸລິນຊີທີ່ເໝາະສົມໄດ້ດັ່ງນີ້:

- ຮູ້ ແລະ ເຂົ້າໃຈກ່ຽວກັບສາເຫດ ຫຼື ສາເຫດທີ່ອາດເປັນໄປໄດ້ຂອງພະຍາດ ແລະ ບໍ່ໃຊ້ຢາຕ້ານເຊື້ອຈຸລິນຊີຖ້າບໍ່ຈໍາເປັນ

- ຮັກສາຄວາມສະອາດ ແລະ ສຸຂະອະນາໄມທີ່ດີ, ຫຼີກລ່ຽງອາຫານ ແລະ ນໍ້າທີ່ມີການປົນເປື້ອນ

- ຮັບປະກັນວ່າ ທ່ານ ແລະ ຄອບຄົວຂອງທ່ານໄດ້ຮັບການຮັບຢາປ້ອງກັນພະຍາດຕາມຄຳແນະນຳຂອງແພດ

- ປະຕິບັດຕາມຄຳແນະນຳ ແລະ ໃຊ້ຢາຕ້ານເຊື້ອຈຸລິນຊີໃຫ້ຄົບກຳນົດຕາມຄຳແນະນຳຂອງແພດ

- ຫ້າມບໍ່ເກັບຢາຕ້ານເຊື້ອຈຸລິນຊີທີ່ເຫຼືອ ແລະ ບໍ່ໃຊ້ຢາຕ້ານເຊື້ອຈຸລິນຊີຂອງຜູ້ອື່ນ

References: 

1 APIC. (n.d.). Antimicrobial stewardship. Retrieved from https://apic.org/professional-practice/practice-resources/antimicrobial-stewardship/

2 Mayo Clinic. (2018, January 18). Antibiotics: Are you misusing them? Retrieved from https://www.mayoclinic.org/healthy-lifestyle/consumer-health/in-depth/antibiotics/art-20045720