មីក្រុបមានបួនក្រុមធំៗ ដូចជាផ្សិត បាក់តេរី វីរុស និងប៉ារ៉ាស៊ីត។ ជាទូទៅ ផ្សិតមានទំហំធំជាងគេបង្អស់ នៅក្នុងក្រុមរបស់     មីក្រុប។ ប្រសិនបើមានផ្សិត តែមួយហៅថា ហ្វាំងហ្គឺស (Fungus) ។ ជាទូទៅបាក់តេរី គឺតូចជាងផ្សិត និងមិនមានកោសិកា ណ្វៃយ៉ូ (Nucleus)។ ប្រសិនបើមានបាក់តេរីតែមួយគេហៅថា បាក់តេរៀម (Bacterium)។ វីរុស មានតំហំតូចជាងគេបំផុតនៅក្នុងក្រុមរបស់មីក្រុប ហើយវាមិនមានកោសិកា ណ្វៃយ៉ូ(Nucleus) និងជញ្ជាំងកោសិកានោះទេ។ វីរុសអាចបង្កកំណើតបានតែនៅក្នុងកោសិកា ឬសរីរាង្គមានជីវិតតែប៉ុណ្ណោះ។ ប៉ារ៉ាស៊ីត តូចល្អិតដែលបង្កជំងឺញឹកញាប់គឺ ប៉ារ៉ាស៊ីតគ្រុនចាញ់។

ផ្សិតធំ និង ផ្សិតឆ័ត្រ គឺជាក្រុមរបស់ផ្សិត និងពួកព្រូនមួយចំនួន គឺជាក្រុមប៉ារ៉ាស៊ីត។ ប៉ុន្តែពួកវាមិនមែនជាពួកមីក្រុបទេ ព្រោះពួកវាធំៗ ហើយបង្កើតឡើងដោយកោសិកាជាច្រើន។

មីក្រុបមាននៅគ្រប់ទីកន្លែង។ តាមការប៉ាន់ប្រមាណបាក់តេរីអាចមានរហូតដល់១០ពាន់លាន ក្នុងដីមួយក្រាម         ( ១០ពាន់លាន=១០ ០០០ ០០០ ០០០) ។[១]  នៅក្នុងរាងកាយរបស់យើង អាចមានបាក់តេរីរហូតដល់ ៣៩ពាន់កោដិ (៣៩ពាន់កោដិ= ៣៩ ០០០ ០០០ ០០០ ០០០)។ [២]

ប៉ារ៉ាស៊ីតគ្រុនចាញ់ អាចលាក់ខ្លួននៅក្នុងរាងកាយរបស់មនុស្ស វាបំបែកខ្លួននៅក្នុងកោសិកាឈាម ហើយអាចចម្លងពីមនុស្សម្នាក់ ទៅមនុស្សម្នាក់ទៀតបាន នៅពេលមូសខាំមនុស្ស ដែលឈឺ ឬផ្ទុកប៉ារ៉ាស៊ីត ហើយទៅខាំមនុស្សម្នាក់ផ្សេងទៀត។

មីក្រុបទាំងអស់ អាចមានលទ្ធភាពទប់ទល់ទៅនឹងប្រសិទ្ធភាពរបស់ឱសថ តែមួយចំនួនទៀតអាចទប់ទល់បានទាំងស្រុងពីការប្រឆាំងទៅលើពួកវា។ ពួកវាហៅថា មេរោគស៊ាំនឹងឱសថ។[៣]

ឧទាហរណ៍ ឱសថអង់ទីប៊ីយោទិកបានប្រើប្រាស់មិនត្រឹមត្រូវលើមនុស្ស និងសត្វ ហើយឱសថអង់ទីប៊ីយោទិកទាំងនោះសាយភាយបន្ដិចម្ដងៗទៅក្នុងបរិស្ថាន។ បាក់តេរីដែលនៅក្នុងខ្លួនរបស់មនុស្ស សត្វ និង បរិស្ថាន ដែលធ្លាប់បានព្យាបាល ឬប៉ះពាល់ជាមួយឱសថអង់ទីប៊ីយោទិកពីមុន អាចទៅជាស៊ាំជាមួយឱសថអង់ទីប៊ីយោទិកបាន។ បាក់តេរីដែលស៊ាំឱសថទាំងនោះអាចចម្លង និងបង្កជំងឺដែលបណ្ដាលឱ្យស្លាប់ទៀតផង។

សេចក្ដីយោង

1 Ingham, E. R. (2019). Chapter 3: Bacteria. In Soil Biology. Retrieved from https://extension.illinois.edu/soil/SoilBiology/bacteria.htm.

2 Sender, R., Fuchs, S., & Milo, R. (2016). Revised Estimates for the Number of Human and Bacteria Cells in the Body. PLOS Biology,14(8). doi:10.1371/journal.pbio.1002533

3 WHO. (2015). Global Action Plan on Antimicrobial Resistance. Geneva, Switzerland: WHO Document Production Services. ISBN: 978 92 4 150976 3