ການຕ້ານຕໍ່ຢາຕ້ານເຊື້ອເປັນໜຶ່ງໃນບັນຫາຕົ້ນຕໍຂອງສາທາລະນະສຸກທົ່ວໂລກ. ມັນອາດສາມາດເຮັດໃຫ້ມີການເສຍຊີວິດຂອງປະຊາກອນຫລາຍລ້ານຄົນ ແລະ ສົ່ງຜົນສະທ້ອນເຖິງເສດຖະກິດຂອງໂລກ [1]. ອົງການສະຫະປະຊາຊາດ (United Nations) ໄດ້ປະກາດນຳໃຊ້ນະໂຍບາຍຂັ້ນສູງສຸດເພື່ອແກ້ໄຂບັນຫາກ່ຽວກັບການເພີ່ມຂື້ນຂອງຂອງການຊຶມເຊື້ອຈາກເຊື້ອພະຍາດທີ່ຕ້ານຕໍ່ຢາຕ້ານເຊື້ອ [2].
ບັນດາຢາຕ້ານເຊື້້ອຈຸລິນຊີ (antibiotics) ທີ່ໃຊ້ປິ່ນປົວພະຍາດທີ່ເກີດຈາກເຊື້ອຈຸລິນຊີ ເຊັ່ນ: ພະຍາດອັກເສບປອດ, ຊຶມເຊື້ອລະບົບຖ່າຍເທ ແລະ ຊຶມເຊື້ອຜິວໜັງ ອາດຈະບໍ່ໄດ້ຮັບຜົນດີສຳລັບເຊື້ອຈຸລິນຊີບາງຊະນິດ. ຜູ້ອຳນວຍການ ຂອງອົງການອະນາໄມໂລກໄດ້ກ່າວໄວ້ວ່າໃນອະນາ ຄົດທີ່ໃກ້ເຂົ້າມາເຖິງນີ້ ຜູ້ບໍລິໂພກ ແລະ ບຸກຂະລາກອນທາງການເເພດ ຈະມີຄວາມເຊື່ອໝັ້ນທີ່ໜ້ອຍລົງຕໍ່ການປິ່ນປົວພະຍາດໂດຍການໃຊ້ຢາຕ້ານເຊື້ອຈຸລິນຊີ ແລະ ທ່ານກໍ່ໄດ້ກ່າວວ່າ “ອີງຕາມແນວໂນ້ມໃນປະຈຸບັນ, ພະຍາດທີ່ພົບເຫັນທົ່ວໄປເຊັ່ນພະຍາດໜອງໃນເເທ້ (gonorrhea) ອາດຈະກາຍເປັນພະຍາດທີ່ປິ່ນປົວບໍ່ໄດ້” ແລະ “ທ່ານໝໍອາດຈະໄດ້ເວົ້າກັບຄົນເຈັບຂອງຕົນວ່າ “ຂໍໂທດເດີ້ ພວກເຮົາບໍ່ສາມາດເຮັດຫຍັງ ໄດ້ອີກເເລ້ວ”.
ນີ້ເປັນບັນຫາທີ່ສຳຄັນທີ່ພວກເຮົາຕ້ອງກັງວົນເປັນຢ່າງຍິ່ງ ເພາະເຊື້ອຕ້ານຢາມີຜົນກະທົບກັບທຸກໆຄົນ ແລະ ຄອບຄົວຂອງພວກເຮົາ. ຕົວຢ່າງສຳຄັນກໍ່ຄືການເກີດລູກໃນຍຸກຂອງເຊື້ອຕ້ານຕໍ່ຢາ ຈະເຮັດໃຫ້ແມ່ ແລະ ເດັກ ມີຄວາມສ່ຽງທີ່ຈະເສຍຊີວິດຈາກການຕິດເຊື້ອຈຸລິນຊີຢ່າງສູງ.
References:
1 O’Niell J. (2016). “Tackling Drug-Resistant Infections Globally: Final Report and Recommendations.- The review on Antimicrobial Resistance.” amr-review.org
2 The Guardian, UK, 2016 Sep 21, and WHO ‘Birth in a time of antibiotic-resistant bacteria’, 2016 Aug 29